БИШКЕК. Кыргыз өкмөтү менен Эл аралык Валюта корунун өкүлдөрү өлкөнү ХИПК программасына киргизүүнүн шарттарын талкуулашууда. Анын ишине премьер-министр Феликс Кулов баштаган өкмөт мүчөлөрү жана Эларалык валюта корунун Пауло Ной Хаус баштаган миссиясы катышууда. Куловдун пресс-катчысы Азамат Калман бул акыркы он күн ичиндеги үчүнчү жолку жабык талкуу экенин, сүйлөшүүлөр аяктамайынча эч кандай маалымат таратылбай тургандыгын кабарлады.
