БИШКЕК. Анжиян окуясында Кыргызстанга ооп келген өзбек жарандарынын дарексиз жоголуп жаткандыгы тууралуу башкы прокуратурага эч кандай арыз түшө элек деп билдирди башкы прокурор. Анын айтымында, маселени иликтөө Ош облустук прокуратурасына тапшырылды. Буга чейин Кыргызстандагы "Адилет" укук клиникасы Ош облусунан акыркы эки ай ичинде өзбекстандык беш качкын дарексиз жоголгондугун, буга эки мамлекеттин атайын кызматтарынын тиешеси бар экендиги тууралуу маалыматтар бар деп билдирген.
