БИШКЕК. Аксыда өтө турган сегизинчи элдик курултайга «Реформа үчүн» кыймылы катышат. Бул тууралуу бүгүн кыймылдын теңтөрагасы Өмүрбек Текебаев билдирди. Ал эми октябрда өтөрү болжолдонгон кезектеги митинг боюнча кыймыл акыркы чечимин чыгара элек. «Реформа үчүн» кыймылын демократиялык күчтөрдүн элдик биримдигинин алкагында 17-апрелде түзүлгөн. Анын курамында «Атамекен»,Социал демократтар, «Арнамыс», «Менин өлкөм», «Кайран эл» партиялары, бир катар кыймылдар, жарандык коом өкүлдөрү бар.
