ОШ. Маалыматка караганда, прокурордун көзөмөлү астында жүргүзүлгөн операция учурунда Ахуновго колго түшүп берүү сунушталган. Бирок, анын куралдуу каршылык көрсөтүүсүнө байланыштуу жок кылуу жөнүндө чечими кабыл алынып, ал аткарылган. Бул окуя 2-сентябрда кечке жуук болгон. Операция учурунда Улуттук коопсуздук кызматынын бир жоокери жеңил жарадар болгон. Расул Ахунов көптөн бери издөөдө жүргөн эле. Бул маалыматты Улуттук коопсуздук кызматынын жооптуу кызматкери 3-сентябрда ырастады.
