Кубадагы Гуантаномо түрмөсүнө “террорчу” деп шектелген 14 адам которулганы тууралуу АКШнын президенти Жорж Буш бүгүн билдирди. Ага чейин Ж.Буш Борбордук Чалгындоо кызматынын жашыруун түрмөлөрү бар экенин алгачкы ирет ырастаган. Ал жерде “террорист” деп шектелгендерди кармап, суракка алып келишкен. Ж.Буш: “Террористтер каерде жашырынып, эмнеге камданып жатышканы жөнүндө башкы маалымат булагы – алар өздөрү”, - деп айтты. Ал эми Гуантаномого которулган 14 киши 2001-жылдын 11-сентябрындагы терактты уюштурган болушу мүмкүн деп шектелип жатышат.