18:00 Ысыккөл районундагы мамлекеттик акимчиликтен жети компьютер уурдалды

Райондук милициянын айтымында, акимчиликтин имаратына уурулар ишемби күнү кирген. Кароолчу Анарбек Мамбеталиев сурак берген учурунда кара чүмбөт кийген үч бала анын колу-бутун таңып туруп, компьютерлерди уурдап кетишкенин айтты. Уурдалган компьютерлердин жалпы наркы 100 миң сомдон ашат. Июль айында дагы ушул ыкма менен акимчиликтен төрт компьютер уурдалган, бирок уурулар табылган эмес.

Рита Нурмамбет кызы