Мамлекеттик телеканал аркылуу кечээ кечинде «Манас» аэропортунун вице-президенти Надыр Мамыров да Жаныш Бакиев буйрук берген деп эч кандай түшүндүрмө жазбаганын, аны кайсы бир күчтөр атайын жасаган деген пикирин билдирди. Өмүрбек Текебаевге байланышкан ишти иликтеп жаткан парламенттик комиссия буга дейре операцияны уюштурууга Жаныш Бакиев буйрук берди деп, Надыр Мамыровдун президентке жазган түшүнүк катын тапканын, кол жазма атайын адистер тарабынан аныкталганын жарыялаган.
