Улуттук коопсуздук кызматынын төрагасынын мурдагы орун басары Жаныш Бакиев Өмүрбек Текебаевдин жүгүнө баңгизат салуу боюнча эч кандай буйрук бербегенин кечээ кечинде мамлекеттик телеканал аркылуу билдирди. Ал ошондой эле тергөө иштерине тоскоолдук кылып жатат деген доомат болбошу үчүн кызматтан кеткенин белгиледи. Депутат Азимбек Бекназаров кечээки парламент жыйынында бул операциянын башында Жаныш Бакиев турганы күбөлөр менен ырасталганын билдирген.
