БИШКЕК. Мамлекеттик санитария жана эпидемияны көзөмөлдөө департаментинин башчысы Сабыржан Абдыкаримов бүгүн «Азаттыкка» маалымдагандай, безгек оорусун ташуучу чиркейлер бар деп шектелген 8 көлмөнүн 5и тазалоодон өттү. Ал эми Свердлов районундагы калган 3 көлмөнү тазалоо иштери кийинки жумада өткөрүлөт. Безгек оорусунун очогу мурдагы жылдагыдай эле Чүй облусундагы Аларча суу сактагычы болууда. Кыргызстан боюнча безгек менен катталгандардын саны 238ге жетти.
