Кытай, Россия жана Казакстан менен Кыргызстандын соода көлөмүндөгү статистикалык айырмачылыктардын себептерин иликтөө үчүн өкмөт башчынын буйругу менен тармактар аралык комиссия түзүлдү. Аны өнөр жай, соода жана туризм министринин статс катчысы Сабыр Молдокулов жетектөөдө. Комиссия кыргыз бажы кызматынын маалыматтары менен ири соода өнөктөш мамлекеттердин бажы кызматтарынын маалыматтарын салыштыруунун механизмдерин иштеп чыкмакчы.
