Дин иштери боюнча өкмөт алдындагы комиссия төрагасы Жолборс Жоробековдун айтымында, кыргызстандык зыяратчылар Аравияга аба каттамы аркылуу гана барышат, автоунаалар менен жол жүрүүгө тыюу салынат. Мындай чечимге өкмөт өткөн жылкы башаламандыкты кайталабоо максатында келген. Былтыр уюштуруунун начардыгынан эки миңден ашык мусулман ажылыкка барбай калган жана алардын айрым бөлүгү нааразылык акцияларын уюштурушкан.
