Ушул жылдын август айында кармалган 4 адамдын арасында Гүлмира Максүдова да бар. Ал Өзбекстандагы "Акрамия" кыймылынын негиздөөчүлөрүнүн бири саналган Акрам Юлдашевдин кызы. Аларга террордук аракеттерге даярданган, курал-жарак сактаган жана жасалма паспортторду колдонгон деген айыптоолор коюлууда. Сот жараянынын жүрүшүндө мамлекеттик айыптоочу бир тууган Акрам, Акмал Мамадалиевдерге 20 жыл, Жамшит Кадыровго 17 жыл жана Гүлмира Максүдовага 16 жыл эркинен ажыратууну сурады. Алардын жактоочусу Кубанычбек Жороев болсо жасалма документ колдонуудан башка айыптоолорду коюуга эч бир далилдер жок экендигин билдирди. Сот өкүмү 28-сентябрда угузулат.
Кубанычбек Жолдошев
Кубанычбек Жолдошев
