Президент Кыргызстандын жакынкы беш жана он жыл ичиндеги өнүгүү максаттарын жана милдеттерин белгиледи. Мамлекет башчынын айтымында, Кыргызстандын алдында мамлекеттик түзүлүштүн түркүктөрүн чыңдоо, улуттук маданиятты жана кыргыз тилин сактап, өнүктүрүү, нарк экономикасынын шартында социалдык кепилдиктин бекем стандарттарын калыптандыруу, акыйкат жана натыйжалуу бийликти уюштуруу сыяктуу орчундуу милдеттер турат. Ошондой эле Кыргызстан жакынкы он беш жылда калктын турмуш деңгээлин дүйнөлүк орточо көрсөткүчкө жеткире турган экономикалык өнүгүүгө чыгышы керек.
