Бүгүн премьер-министр Феликс Кулов “Пирамида” телерадио компаниясынын телемунарасына кол салгандарды издеп табууну жана куралдуу күзөт коюуу боюнча ички иштер министри Мурат Суталиновго тапшырма берди. Бул окуя боюнча учурда Аламүмдүн райондук, Чү облустук, Бишкек шаардык ички иштер башкармалыгы иликтөө иштерин жүргүзүүдө. Түндө саат үчтөр чамасында бет кап кийишкен белгисиз төрт адам “Приборист” дача кооперативинде жайгашкан «Пирамида» телерадиокомпаниясынын телемунарасына киришип бир кызматкерин сабап, жаңыдан коюлган аппаратурасын өрттөп жиберишкен.
