Ош шаардык соту бүгүн террордук аракеттерге даярданган жана мыйзамсыз курал сактаган деп айыпталып жаткан төрт адамдын иши боюнча актаган чечим чыгарды. Акталгандардын экөө Өзбекстандын жараны, анын бири Гүлмира Максүтова «Акрамия» кыймылын негиздеген Акрам Юлдашевдин кызы. Буларга сот жасалма паспорт менен жүргөндүгү үчүн акчалай айып салып, сот залынан бошоттту. Акталган өзбек жарандары мекенине кайтпай турганын, качкын макамын алып Кыргызстанда баш калка алууга аракет кылып жаткандыктарын билдиришти.
