Арменияга үч күндүк сапар менен кечээ күнү келген Франция президенти Жак Ширак бүгүн Ереван шаарында президент Роберт Кочарян менен жолугуп, эки өлкө ортосундагы байланыштарды кеңейтүү жана башка маселелерди талкуулайт. Сапар учурунда Ширак - ХХ-кылымдын башында түркиялыктар тарабынан өлтүрүлгөн армяндардын элесине курулган эстеликке да барат. Франция президенти мурда эч качан Арменияга келген эмес.