“Азимбек Бекназаров башында турган жумушчу топ сунуштаган Конституциянын үч долбоору кабыл алынышы мүмкүн эмес. Ал долбоорлорду өзгөртүп, абдан тыкат иштеп чыгуу керек”, деген корутунду Европа Кеңешинин Венеция комиссиясынын эки экспертинен келгендигин Жогорку Соттун төрагасы Курманбек Осмонов бүгүн “Азаттыкка” билдирди. Ал эми Азимбек Бекназаров жумушчу топ сунуштаган долбоордогу адам укуктары, сот реформасына байланыштуу жоболор Венециялык жана Европа коопсуздук кызматташуу уюмунун эксперттери тарабынан жактырылгандыгын 3-октябрда маалымат жыйынында билдирген. (AJ)
