Алты артист театрдын директору Кыргызбай Осмоновду кызматтан алуу талабы менен мындан төрт күн мурда өкмөт үйүнүн алдына нааразылыкка чыгышкан. Кечээ бул топ нааразылык акциясын театрдын бир бөлмөсүндө улантышты. Актриса Жыпариса Көчөрбаева «Азаттыкка» муну ачкачылык жарыялагандардын бири Шайгүл Алсейитованын саламаттыгы начардаганы менен түшүндүрүп, нааразылык чарасы бүгүн кайра өкмөт үйүнүн алдында улантылаарын белгиледи. Ошол эле учурда директор Кыргызбай Осмонов мындай талап негизсиз экенин билдирүүдө.
