Жогорку Кенеш 2-ноябрга белгиленген оппозициянын нааразылык акциясына карата өз позициясын дүйшөмбү күнү иштеп чыкмакчы. Бул маселени кароону парламентке жума күнү депутат Улукбек Ормонов сунуштаган. Депутаттын айтымында, шайлоочулар оппозициянын мөөнөтсүз акциясына карата Жогорку Кеңештин көз карашын сурап жатат. Өткөн аптада «Реформа үчүн» кыймылы айрым саясий партиялар менен бирге 2-ноябрда президент менен өкмөт башчынын кызматтан кетүүсүн талап кылган мөөнөтсүз нааразылык акциясын баштаарын жарыялаган.
