БИШКЕК. Жума күнү Бишкек шаардык соту Башкы прокуратуранын атайын прокуратураны жоюп салган чечимине каршы берилген арызды карайт. Атайын прокуратура жоюлганда аны башкарган прокурор Галина Пугачева кызматынан төмөндөп калып, Башкы прокуратураны сотко берген. Ошондой эле башка кызматка которулган Ленин районунун прокурору Абай Аппаков да сотко арызданган. Анын арызын кечээ Бишкек шаардык соту карап, чечимди анын пайдасына чыгарып берди. Баш прокурор Камбаралы Конгантиев Аппаковдун кызмат ордун калыбына келтирерин бүгүн парламентте билдирди.
