БИШКЕК. Бүгүн таңга жуук Москванын милициясына кыргызстандык бир эмгек мигранты 23 жаштагы уулун белгисиз бирөөлөр сабап кеткени тууралуу кайрылган. Ал жаракат алган уулун Москвадагы 649-мектептин короосунан таап, тез жардам чакырганын, бирок дарыгерлер келгенче уулу мерт болгонун айткан. Дарыгерлер кыргыз жараны денесинин бир канча жеринен алган жаракаттан кансырап кайтыш болгонун аныкташкан. Бул тууралуу бүгүн Москванын укук коргоо органдарына таянып, «Интерфакс» агенттиги кабарлады. (SM)
