21-октябрда “Реформа үчүн” кыймылдын мүчөлөрү менен президенттин жолугушуусунун болбой калышына Курманбек Бакиевдин командасынын ич-ара пикир келишпестиги себеп болду. Бул тууралуу аталган кыйиылдын мүчөсү Мелис Эшимканов бүгүн “Азаттыкка” билдирди. Анын айтымында, көшөгө артындагы оюндарды президент өзү уюштурбай, оппозиция тарабынан коюлган талаптарды убагында аткарса, ага эч кандай дооматтар коюлбайт эле. Эшимканов ошондой эле жеке өзү президент Бакиев менен сүйлөшүүгө даяр экендигин белгиледи.
