КАБУЛ. НАТОнун аскердик учактары 12 ооган көтөрүлүшчүл согушкерин жок кылышты. Окуя дүйшөмбү күнү Кандагар чөлкөмүндө болду. Ошентип Ооганстандагы эл аралык күчтөр тарабынан апта соңунан бери жок кылынган көтөрүлүшчүлөрдүн саны 140 кишиге жетти. Анын аралыгында НАТО бүгүн Нуристан провинциясында жолго орнотулган бомбадан НАТОнун эки аскери курман болгондугун маалымдады.
