Конституциялык реформаны тездетүү, өлкөнү Бакиевдин үй-бүлөлүк башкаруусунан ажыратуу талаптары менен “Ак тилек” базарына барган ондой демилгечиге ал жерден 200дөй киши кошулду. Бирок, “Демократия жана жарандык коом үчүн” бирикмесинин аткаруучу директору Жыргалбек Турдукожоевдин айтымында, базардагы жумушчуларды укук коргоо органдары коркутуп, жашаган даректерин сурай баштагандыктан, көбү кооптонуп митингге катышуудан баш тартты. Ошондуктан митинг саат үчтөн баштап Кашкасуу кичи районуна орун которду. (RN)
