Өкмөт башчысы Феликс Кулов башкы прокурор Камбаралы Конгантиевге кат менен кайрылып, анда Мамлекеттик күзөт кызматынан түшкөн материалга укуктук баа берүү боюнча катын чакырып алганын билдирди. «Соттук келечеги жок материалдын негизинде шашылыш түрдө кылмыш ишин козгоо коомчулукта тескери таасирди жаратат. Ал эми катты ачыкка чыгаруунун максаты «кызуу кандуулукту» токтотуу болчу, деп белгилеген өкмөт башчы.Маалым болгондой оппозиция лидерлеринин үнү жазылган үн тасмага таянып, Башкы прокуратура оппозицияны конституциялык бийликти күч менен кулатууга аракет кылууда деп айыптап, аларга каршы кылмыш ишин козгогон. (AiT)
