«Реформа үчүн!» кыймылы Конституциянын жаңы редакциясынын кабыл алынышын майрамдоону бүгүн түштөн кийин «Алатоо» аянтында улантканы жатышат. Бул тууралуу түндө аянтта башталган салтанатта «реформачылар» кабарлашты. Конституциянын жаңы редакциясы кабыл алынгандан кийин аянтка келген «Реформа үчүн!» кыймылынын лидерлери митингдин катышуучуларын жаңы Конституциясы менен куттуктап, салюттар атылды. Депутат Дооронбек Садырбаев кыймылдын мүчөлөрүнө бирден ак калпак кийгизди.
