Конституцияга кол койгондон кийин сүйлөгөн сөзүндө президент Курманбек Бакиев жаңы Баш мыйзам Кыргызстан күчтүү президенти, күчтүү парламенти бар мамлекет экендигин кепилдейт деп билдирди. Иш чарадан кийин Жогорку Кеңештин төрагасы Марат Султанов «…мурдагы Конституциядан эки кадам илгери жылдык» деп билдирди. Бул иш чарага Жогорку Кеңештин төрагасы Марат Султанов, Жогорку Соттун төрагасы Курманбек Осмонов, Конституциялык Соттун төрайымы Чолпон Баекова, премьер министр Феликс Кулов, мамлекеттик катчы Адахан Мадумаров, Жогорку Кеңештин төрага орун басары Кубанычбек Исабеков, президенттик администрация башчысы Мыктыбек Абдылдаев катышты.
