Куршаб округундагы талаштуу маселени караган Жогорку сот кечээ Мамат Орозбаевди депутат деп тааныган Биринчи май райондук сотунун чечимин жокко чыгарды. Ага ылайык, эми аталган округдан Жогорку Кеңештин депутаты болуп Санжарбек Кадыралиев эсептелет. Бирок Мамат Орозбаев Жогорку соттун бул чечимин мыйзамсыз деп эсептээрин, эми Конституциялык сотко кайрыларын «Азаттыкка» билдирди. Анын айтымында, бул маселени Жогорку Сот буга чейин карап, аны Жогорку Кеңеш талкуусуна жиберген. Бирок ЖК чечимин күтпөй туруп эле соттук жаңы курам түзүп, ал жогорудагыдай чечим чыгарган. (SM)
