“Рентон групп” компаниясына акчасын алдаткан 700 аманатчыга жыйырма пайыз акчалары кайтарылып берилди. Аларды толугу менен кайтарып берүү үчүн мамлекеттик комиссия иштеп атат. Бул тууралуу өкмөт алдындагы финансылык көзөмөлдөөчү мамлекеттик агенттиктин жетекчиси Юруслан Тойчубеков “Азаттыкка” билдирди. Анын айтымында, “Рентон групптун” мурдагы жетекчиси Эдуард Пак дагы мамлекеттик комиссия менен чогуу иштешүүдө. Компания өзүнө тиешелүү мүлктөрдү сатып, андан түшкөн каражаттарды аманатчыларга берүүдө. 2003-жылы “Рентон групп” банкротко учурап, 2800 аманатчы 50 млн. сомдон ашуун акчасын кайтара албай калышкан. (AJ)
