Бишкектин убактылуу кармоочу жайында кармалып турган Нурлан Мотуевге 14 эпизод боюнча - өзүм билемдик, тоноочулук, ири өлчөмдөгү бирөөнүн мүлкүн уурдоо, жасалма документтерди колдонуу жана башка айыптар тагылды. 23-ноябрда айыпкерге иликтеп-тергөө иштери бүткөнү билдирилип, 20 томдон турган материал менен тааныштырылат. Ага карата козголгон кылмыш иштери менен таанышкандан кийин Башкы прокуратура аркылуу сотко өткөрүлөт. Бул тууралуу Ички иштер министрлигинин басма сөз кызматы маалымат таратты.
