Ирак президенти Жалал Талабани бүгүн кызмат сапар менен кошуна Иранга келмек, бирок кечигүүдө. Ирак өкмөтүнүн айтымында, Багдаддын Садр аттуу аймагында болгон ири жардыруулардан кийин шаардын аэропорту жабылган жана президенттин жардамчыларынын билдиргенине караганда, аэропорт ачылаары менен Талабани Иранга учуп чыгат. Тегерандагы жолугушууга Сириянын президенти дагы чакырылган.
