Минскидеги кечээки саммитте өлкө башчылары эмки жыйынды 2007-жылдын июнь айында Дүйшөмбү шаарында өткөрүү чечимине келишти. Минскидеги жыйында мамлекет башчылары мыйзамсыз миграцияга каршы күрөш боюнча кызматташтыкты активдештирүү тууралуу билдирүү кабыл алышты. Шериктештикти реформалоо маселеси болсо кийинкиге калтырылып, анын концепциясын иштеп чыгуу тышкы иштер министрлерине тапшырылды. Саммитке катышкан кыргыз президенти Курманбек Бакиев шаршембиге караган түнү Бишкекке кайтып келди.(SM)
