Кайрылууда алар жоопкерчилиги чектелген “Фонта” аттуу фирма Чаткал районунан казып алган алтын, күмүш аралашмасы бар кумдарды Швейцарияга жашыруун жиберет, деп жазышат. Бишкекте катталган бул фирма көп жылдык дарактарды жок кылуу менен жер кыртышына жана табиятка келтирген зыянды толтурууга, райондун башка муктаждыгына салым кошпойт. Коомчулук өкүлдөрү Башкы прокуратура менен Коопсуздук кызматынан “Фонта” аттуу фирманын мыйзамга ылайык ишмердүүлүгүн текшерүүнү өтүнүшөт. Аларга аталган фирма экс-премьер министр Николай Танаевдин уулуна таандык деген маалымат түшкөн. (УA)
17:30 Жалалабаттыктар Башкы прокуратура жана Улуттук коопсуздук кызматына кайрылуу жиберишти
