Брюсселде кечээ ЕККУга мүчө мамлекеттердин тышкы иштер министрлеринин кезектеги эки күндүк отуруму башталган. Жыйында негизинен уюмду реформалоого байланышкан маселелер талкууланып жатат. Жыйын соңунда министрлер террорчулукка, уюшкан кылмыштуулукка жана адам аткезчилигине каршы күрөшүү боюнча чечим кабыл алышы да болжолдонууда. Бул сапардын алкагында кыргыз тышкы иштер министри ЕККУнун, Евробиримдиктин жетекчилери жана Канаданын тышкы иштер министри менен эки тараптуу жолугушууларды өткөрөөрү күтүлүүдө.
