Анда эл аралык нормаларга жана эки тараптуу келишимдерге ылайык, АКШ өкмөтүнө кыргыз жаранына ок аткан авиабазанын аскери Закари Хетфилддин кол тийбестик укугунан баш тартуу талабы коюлган. Мындан сырткары ар тараптуу жана калыс тергөө жүргүзүү үчүн бул жоокердин Кыргызстандан чыгып кетишине жол бербөө талап кылынып, кыргыз тарап компенсация талап кылуу укугун сактап калаары белгиленген. Кыргыз жараны, күйүүчү май ташуучу ишкананын айдоочусу Александр Иванов мурда күнү АКШнын Бишкектеги авиабазасынын жоокери аткан октон мерт болгон. (SM)
