АКШнын Мамлекеттик катчылыгынын өкүлү Шон Маккормак кечээ күнү билдиргенге караганда, Бириккен Улуттар тарабынан Иранга каршы жакында жаңы резолюция кабыл алынышы мүмкүн. Өзүнүн аскерий максатты көздөгөн өзөктүк изилдөөлөрүн токтотуудан баш тарткан Тегеранды жазалоо үчүн Бириккен Улуттардын Коопсуздук Кеңешинин беш туруктуу мүчө-мамлекетинин өкүлдөрү ал тууралуу азыр Нью-Йорк шаарында атайын сүйлөшүүлөрдү жүргүзүп жатат.
