Президент Хамид Карзай Оооган президентинин администрациясында кылмышкерлер отурат деген мазмундагы Хюман Райтс Уотч уюмунун баяндамасын негизсиз деп, четке какты. Уюмдун өткөн аптада жарыялаган баяндамасында, экс-президент Бурхануддин Раббани, кубат министри Исмаил Хан, мурунку вице-президент Карим Халили, мыйзам чыгаруучулар Абдул Расул Саяф жана Мохамад Касым Фахим согуш кылмышкерлери деп айтылат. Анда укук коргоочулар Ооган жана эл аралык соттору 1979-1992 жылдагы коммунисттик режим учурунда, 1992-–1996-жылдары атуулдук согуш мезгилинде жана 1996-жылдан тартып 2001-жылга чейин Талип режими учурундагы окуяларга байланыштуу ушул адамдарга каршы кылмыш ишин ачууну сунушташкан.
