Каржы министри Акылбек Жапаров эл аралык каржы уюмдары сунуштаган ХИПИК программасына киришибиз керек, деген пикирин бүгүн маалымат жыйынында билдирди. Анын айтымында, Кыргызстандын экономикалык абалы абдан оор. Эгерде быйыл ХИПИК программасына үлүгүрүп кирбесек, келерки жылы 80 млн. доллардан карызыбызды төлөй баштайбыз, деди Жапаров. Ал ошондой эле карызга берилген 1 млрд.800 млн. доллардын 763 млн. улуттук валютаны кармоого жана бюджетти колдоого, айыл чарбасына 400 млн. ашуун, транспорт жана коммуникацияга 400 млн. доллар бөлүнгөнүн айтты.
