Жогорку Кеңештин депутаты Өмүрбек Текебаевдин айтымында, өкмөттүн ХИПИКке кирүүсүнө, электр тармагын менчиктештирүүгө парламенттин каршы пикири, алтын кендерин чет элдик инвесторлорго берүүдө ачык-айкын тендер өткөрүү маселеси кыргыз бийлигине жакпайт. Ошондуктан алар парламентке моралдык кысым көрсөтүүдө. Анын көз карашында, мындай окуя буга чейин 1993-жылы болуп, Кумтөрдү канадалыктарга берүүгө парламент каршы болгондуктан “легендарлуу парламентти” таркатуу менен аяктаган.
