Депутат Каныбек Иманалиев Кыргызстанда саясий дагы, экономикалык дагы, финансылык дагы кризис жок, Кыргызстанда ыймындык кризис бар, деди. Азыр милдетин түзүктөп аткара албаган өкмөт кызматтан кетти, саясий упай топтой коёюн деп Ф.Кулов кызматтан кетээрин айтты, ал эми К.Бакиев учурдан пайдаланып бийлигин күчөтүп, чыңдап ала коюн деп жатат, деди К.Иманалиев. Кыргызстанга Бакиев менен Куловдун тандеминин кереги жок, Кыргызстанга ыйман менен мыйзамдын тандеми баалуу, деп сөзүн жыйынтыктады депутат.
