Бүгүн бир катар саясий партиялардын лидерлери президентик администрациянын башчысынын биринчи орун басары Медет Садыркулов менен жолугушту. Бул тууралуу жолугушууга катышкан «Арнамыс» партиясынын төрагасы Эмил Алиев билдирди. Анын айтымында, жолугушууда саясий кризистен чыгуу маселеси талкууланды. «Арнамыс» партиясы парламентти таркатуу менен абалдан чыгууга болорун билдирген. Аны коммунисттер партиясынын лидери Исхак Масалиев колдогон. Жолугушууга онго чукул партиянын өкүлдөрү катышкан.
