Курман айттын айдын аягына коюлушун алар муфтият менен бийликтин катачылыгы деп түшүнөт. Айт майрамын 30-декабрда өткөрүү тууралуу алдын ала-жарыяланбаса, жума намазы окулуп бүткөндөн кийин, Сузак району менен Жалалабат шаарындагы мечиттерге келген мусулмандар тынчтык митингин өткөрүшөт. Бул жөнүндө сузактык эки миң мусулмандын атынан Абдывахит Абдурахимов бүгүн кабарлады. Облустун казысы Абибилла ажы Бапанов өз кезегинде митингге жол берилбей, Курман айтты белгилөө башка күнгө жылдырылбай тургандыгын айтты.(YA)
