Президент парламентти таратууга ою жок экенин «Ата Мекен» партиясынын лидерлери менен 26-декабрда кечинде жолугушууда билдирген. Бул тууралуу партия лидери Өмүрбек Текебаев маалымдады. Президент конституцияны өзгөртүү зарылдыгын айтканда, биз ага макул болуп, бирок ал мыйзам чегинде жасалыш керектигин белгиледик, деди Өмүрбек Текебаев. Абалдан чыгуу үчүн макулдашуу комиссиясын түзүү ниети жолугушууда билдирилип, бирок азырынча ал боюнча кадам жасала элек.
