Парламентке жакынкы күндөрү Конституциянын жаңы редакциясы кайрадан сунушталат. Бул тууралуу долбоордун демилгечилеринин бири, Жогорку Кеңештин депутаты Камчыбек Ташиев бүгүн билдирди. Анын айтымында, акыркы долбоордо күч министрлерин дайындоонун тартиби өзгөртүлдү. Буга чейинки долбоордо аларды президент түздөн-түз дайындаса, акыркы вариантта өкмөт башчынын сунушу менен президенттин дайындоосу каралган.Оппозициялык депутаттар менен жаңы долбоор боюнча сүйлөшүүлөр жүрүп жатат, деди Ташиев.
