КАБУЛ. Ооганстандын президенти Хамид Карзай ооган- пакистан чек арасына узата тосмо койуп, айрым жерлерди миналап салуу жөнүндө Пакистан өкмөтү кабыл алган чечимди сынга алды. Карзайдын айтымында мындай иш чара үй-бүлөлөр менен туугандардын бири- биринен ажыратат, бирок куралдуу согушкерлердин чек арадан өтүүсүнө бөгөт койо албайт. Андан көрө Пакистан уруулардын көзөмөлүндөгү аймактарда жайгашкан террористтик лагерлерди жок кылса болмок, деди Карзай.