Мамлекет башчысы Курманбек Бакиев улуттук телерадиокомпаниясы аркылуу өлкө элин жаңы жыл майрамы менен куттуктады. Ал өз сөзүндө 2006-жылы Кыргызстанда болгон экономикалык өсүштөр, саясаттагы бурулуштар тууралуу айтып, жаңы 2007-жылы бийлик тарабынан экономиканы көтөрүүгө, айыл-чарбаны, өнөр-жай тармагын жандандырууга чоң көңүл бурула тургандыгын белгилеп өттү. Президент Кыргызстан эли менен бирге жаңы жыл менен өлкөдөгү чет өлкөлүк конокторду, коңшу өлкөлөрдүн тургундарын да куттуктады.