Бул тууралуу травмотология жана ортопедия боюнча Бишкектеги илимий борбордон кабарлашты. Маалыматка караганда, жаңы жылдын алгачкы үч күнүндө борборго 111 адам кайрылган. Алардын 27 ооруканага жаткырылып, анын ичинен абалы оор делген 12 адам реанимация бөлүмүндө дарыланууда. Ооруканага жаткырылгандардын он бири жол кырсыгынан жапа чексе, бирөөсү бычак жеп жаракат алган. Майрам күндөрү борборго кайрылгандардын көпчүлүгүн мас абалында жыгылып, денесинен ар кандай жаракат алгандар түздү.(SM)
