Мындай билдирүүнү мурдагы президенттикке талапкер доктор Кубанычбек Апас маалымат жыйынында жасады. Анын айтымында учурда бийлик менен оппозиция эки жээк болуп алып, бийликти гана талашып калышты. Ошол себептүү ал өзүн өлкөнү кыйын кырдаалдан чыгарып кете алчу лидер катары сунуштап, анын президент болуучу мезгили келгендигин билдирди. Кубанычбек Апас 2005-жылдагы шайлоодо президенттикке ат салышкан эле. Анын адаттан тыш билдирүүлөрүнөн улам айрым саясатчылар бул адамдын айткандарын олуттуу кабыл албоо керектигин айтып келишет. (IJz)
