Партиялар парламенти 30-декабрда конституциянын жаңы редакциясын кабыл алууда конституциянын 93 беренеси бузулганын, долбоорду кабыл алуу шашылыш болгондуктан коомчулук талкуулай албай калганын белгилешкен. Конституцияны мындай өзгөртүү мыйзамсыздыкка алып келип, саясий кризисти пайда кылат жана кырдаалды курчутат. Мына ошондуктан 30-декабрда кабыл алынган конституциянын жаңы редакциясына кол койбоого президентти чакырабыз, дейт партиялар парламентти бүгүн тараткан маалыматында.
