Азыркы бийлик ишеничти жогорулатуунун ордуна, эл ишениминен кетип жатат. Бул тууралуу “Интербилим” бейөкмөт уюмунун жетекчиси Асия Сасыкбаева билдирди. Анын көз карашында, президент Курманбек Бакиев Конституциянын жаңы редакциясына кол коюу менен мыйзамды одоно бузуп туура эмес иш жасады. Анткени, Баш мыйзамды кабыл алуунун жол жобосу бузулгандыгына карабай, президент мыйзамдын улуктугун сактаган жок, дейт Асия Сасыкбаева.
